Ghazwaani: « Mi fadaano e luulndiiɓe ɓee, yiɗande leydi ndii njangu ceɓɓitaagu »

Hooreejo leydi Muritani Mohamed Ghazwaani hollitii wonde anndaano wonde luulndo ngoo won e yimɓe njettiima e daawal yiɗande Muritani njangu ceɓɓitaagu, o wiyi wonanii mo bettere mawnde, huunde nde o tijjanooki.

Ɗuum yalti ko e jokkondiral makko hanki ngal o waɗdi e muritaninaaɓe wonɓe to ngenndiiji Dentuɗi Amerik. O ɓeydii heen, luulndaade laamu makko, fotaani addande won luulndiiɓe yiɗande leydi ndii bonannde. Gargol makko e laamu, e ko gollii gila o ari e jappeere 2019, wonaa yiɗde lohnude luulndo walla warde ngo haa ɓuuɓa, deeƴa e no o teeŋtiniri.
 
O teeŋtinii, kanko fof e addude nguura, ndiyam e kuuraa nder teemedde gure mawɗe nder ɗii duuɓi tati cakkitiiɗe, haɗaani bowlol luulndo ngoo fof ko wiyde ɗomka e heege ine woodi.

O wiyi sukaaɓe muritaninaaɓe ine kaandi e golle, ngam ɓeydude moƴƴitinde sarɗiiji nguurndam mumen, darnde luulndo ngoo foti abbitaade ko e ngonka ɓiɗɗo leydi…kono ngo hiilnii tan ko yiɗande leydi ndii njanguuji seɓɓitiiɓe.
 

One comment

  1. Welaare waɗii so aadi o huɓnaama ma ɗum waɗan en ɓamtaare wonnande ene kala haalooɓe ɗemɗe ceertuɗe tiinoɗen njannge ɗemɗe men mbaawen njanngene ɓesngu men e hoɗdiiɓe men kala on njahraama e kuuɓal. Jallo Usmaan Demmba to Boruuji tawteeɗo ɗoo e Sellibaabi

Leave a Reply

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.