Pelle ɗe ngonaa laamuyankooje ko wayi no OMS, UNICEF, Banque Mondiale e PNUD, nginnirnoo ɗum adana ko Ñalngu Afrik jontinooje, sibu teskaade jontinooje ɓurnoo deŋde ko e doŋre Afrik. Nguu ñalngu sosaa ko e 2001 haa wonti ñalngu winndereyankeewu nder hitaande 2007, caggal pellital ngal batu mooɓondiral winndereyankeewu cellal ƴettunoo. Faandaare nguu ñalngu, laawɗiri ko « heɓtinande e famminande yimɓe ɓee jontinooje » ngam momtude haa laaɓa rafi oo. Ko e oo fartaŋŋe, ndewru-ɗen ngam jokkondirde gooto safrooɓe ɓee Nakkoo Ibraa Joop jaabtoo naamne men jowitiiɗe e jontinooje.
25 seeɗo Ñalngu winndereyankeewu haɓaade jontinooje, walla ñalngu winndereyankeewu jontinooje, ñalngu ngu Fedde Winndereyankoore Cellal yuɓɓinta kala ñande 25 seeɗto (avril).
Golal Média: Min calminiima, ko adii fof holi ko woni jontinooje e holi ko addata ɗum?
Nakkoo: Jontinooje saabotoo ɗum ko ŋakkere laaɓal, tuddinde maa debbinde diƴƴe. Ɓowɗi koɗa heen. Addata ɗum ko ɓowngu ndewu, ine wiyee anofel. Nguun fiɗata, ɗacca ɗoon mborosaaji mum kala mo fiɗi.
GM: Holi geɗe baawɗe anndinde en, gonduɗo e jontinooje?
NIJ: Maale jontinooje ine peeñira hono nih, neɗɗo oo wonda e hoore muusoore muusgol caɗtungol no feewi, paawngal caɗtungal. Yeru cukalel ine waawi weetde fijde, ine dogdogna. Kono so kihiiɗe arii tan, jafee paawngal ngal liɓa ɗum. O gergerta, omo siñña o wulee. So safraaka ine addana joom mum waɗtude ruuytude.
GM: Mbele jontinooje ine wara so eey mbele jeyaa ko ñabbuuji ɓurɗi waawde warde?
NIP: eey kay, ko rafi kulɓiniiɗo baroowo. Alaa e sago ngannden jontinooje jeyaa ko e rafiiji ɓurɗi waawde warde. Kañum nih ɓuri bonde e koronaa. Ine wara yimɓe heewɓe hitaande kala. Ko sakkitii koo, rafiiji keewɗi ngarii haa wayi no yejjitaa nih.
GM: Holi no jontinooje ndeentortee?
NIP: Ko adii kala ko waalde e nder harkille, so joom mum yahii cafrirɗi ine waawi dañde nih cuuwaaɗi ɗii. Reentaade debbinde walla diiñnude ndiyam e nder galle walla saraaji mum. Diiloo law, naatta naattina sukaaɓe. Mbaasen ɗaccude haa ngaren e lelaade, nde naaten harkille.
GM: NIP, golal média yettiima.
NIP: On njaaraama
