Sunaare: Naalaŋkaagu Fulɓe, waasii jaggal

Sankaare Bookara Saar hannde alkamiis 8/12/2022. Gooto e jagge mawɗe naalaŋkooɓe, lollinnooɗo jimol « Maayel Yoo », jeyaaɗo e adiiɓe yimde jimol ngol. O sankii ko Korkaaƴe, ko toon o wirnetee kihiiɗe hannde, saanga W16.

So en nduttiima e daartol jimol « maayel » adii wonde ko jimol dingiral ngol, mawɓe njimatnoo. Yonta garɗo fof, ine yimtotonoo ɗum wooda kadi ko ɓeydi heen. E yonta Bookara Saar noon, o renndini denndaangal ko ɓeydenoo e jimol ngol o yimtii ɗum. Ɗuum reɓi haa yettii Demmaa Jah en, Baydi Jah en ekn. Aliw Demmba Njuga e Alasan Demmba Njuga kadi njimtiima jimol ngol. Kono ine hawraa lollini ɗum ko Bookara Saar. Kono Bookara wonaa ngol ɗoo tan yimi, o waɗii jimol e Ceerno Saydu Nuur Taal biyeteengol «Ɓamti Diineeji » ngol Baaba Maal yimtii. Bookara Saar dañii duuɓi 70 pawɗi.

Natal Bookara Saar

Yo Allah yurmo mo yaafoo mo kanko e maayɓe juulɓe.

Golal Média

Leave a Reply

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.