Mohamed Lemin Wul Dahi gooto e ɓadinooɓe Maawyaa suɓaama cukko-hooreejo CENI

Holi cooyananɗe jogaaɗe e ɓeen toɗɗaaɓe CENI, laaɓndal ngal ɓesngu leydi ndii jaabtanii hoore mum, ko jerminaare tan, ngati ƴiiƴam kesam yiyaaka e nguu goomu CENI.

Innde Mohamed Lemin O. Dahi ine heewti e noppi e Muritaninaaɓe, annduɓe mo, keɓtinaaɗo e dingiral dawrugol Muritani. Oo ɗoo gorko professeur de droit, gonnooɗo hooreejo jaaɓi haaɗtirde Nkchtt, hunuko mum e noppi mum ɓooyii woogondirde, e ardinooɓe leydi Muritani kala ko o yiɗi ko o haajaa o haalantuno ɗumen, ngati wonde mo nananaaɗo.

E nder laamu Maaouiya O. Siidi Mohamed Taayaa, 1990 haa 2005 o toɗɗenooma diisneteeɗo ñaawooje hono conseiller juridique. Ɓe pewjidiino ko heewi, ko wayi no warngooji ɓaleeɓe Muritani, layyenooɓe, wardenooɓe yarga, ubbenooɓe ine nguuri, ɓe kaŋŋe mumen jawdi ndariindi mumen keɓtenoo taccinaa leydi mumen Muritani peewi Senegaal ɗum kala waɗi e yeeso makko hono kanko Mohamed Lemin O. Dahi. Nde Ely O. Mohamed Vall ari o wonani ɗum Gardiiɗo kabine hooreejo laamu sabbordu tuggi 2005 haa hitaande 2007. Mohamed Lemin O. Dahi, ƴettiino nih doosɗe leydi Muritani 1991, memtii ɗe e hitaande 2006. O woni gardiiɗo duɗal hakkunde leyɗewal jaŋde dowrowre siynaande Nkchtt, ko o neɗɗo baɗtuɗo hakkille mum no feewi ɓosgol leydi Muritani, mo meeɗaa humpeede fiyakuuji mayri. Ko oo woni toɗɗaano cukko-hooreejo CENI altineere hanki to Diiso doosɗeyankeewo.

Leave a Reply

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.